藍絲闖港大｜保安對大媽「寬容」 兇記者阻採訪校方迄今未報案 - 香港蘋果日報
【19:34】警方表示，留意到網上流傳在薄扶林道一大學校園內發生的片段，並已主動聯絡港大了解情況。
十多名操鄉音的藍絲大媽昨晚闖入港大校園，撕毀4幅連儂牆，又推到學生會旗幟，其間有同行人士拍片，聲稱「唔希望自己嘅仔女喺咁唔乾淨嘅大學入面讀書」而出手，之後又闖入學生會大樓撕走玻璃門上的文宣。各人「逞兇」後竟往港大港鐵站方向施施然離去，當時有多名港大保安在場，對該班涉嫌刑毀的行兇者未有出手攔截，眼巴巴「目送」他們離開。據悉，港大未有就事件報警，僅發聲明表示不排除向涉事人士追究責任。今晨《蘋果》到場採訪，至少2名保安在港大港鐵站出口位置「站崗」，他們對《蘋果》記者的態度，顯然不及對待涉破壞港大設施的「大媽」般「寬容」，不但大聲喝止記者採訪，有保安更拍打記者手部，態度惡劣。
其間記者要求與該批保安的上司理論，但等了約20分鐘仍未見人。其間記者採訪了市民陳先生，他指居於港大附近，亦曾在港大就讀課程，昨晚從網上新聞獲知有人闖入港大破壞連儂牆，感到「冇可能咁樣做法」。「呢度係港大物業管理嘅地方，唔理係破壞連儂牆，或其他嘢都好，點解我哋嘅保安唔做任何嘢？好彩港大發聲明話保留追究責任，但呢度有咁多cctv，保安見到佢哋（破壞者）都畀佢哋走，咁樣走法，冇可能咁樣做法！我有打過港大問係邊間保安公司，想問吓保安公司點解容許啲人離開。」
陳先生住在附近，今日專程過來了解事件，「我覺得港大有責任向保安公司了解呢件事處理方法，佢哋入得嚟，攪亂港大嘅嘢，點處理，點保障？」陳先生坦言：「呢度係港大物管，連儂牆不是重點，重點係有一班人入嚟香港大學，攪港大任何的facility，香港人憤怒過去好耐，我係想知情況點解容讓啲人離開。港大應該要睇返cctv，有record，我都想知而家唔知使唔使登記（入大學）。」
港大昨晚回覆查詢時，指昨晚約7時，有三十多人從地鐵站走到大學街，撕除一批海報，當大學增援保安到場時，他們陸續離開。對於同類破壞行徑屢次在校園發生，校方深表遺憾，強調任何組織或人士都不應擅自破壞校園設施及陳設物。校方正檢視事件及校園管理和保安措施，並且不排除向涉事人士追究責任。據了解，港大目前未有報警求助。《蘋果》今日再追問港大發言人就事件涉及刑毀但不報警的原因，發言人僅回覆「大學正檢視事件及校園管理和保安措施，並且不排除向涉事人士追究責任。」隻字不提沒有報警。
港大學生會會長葉芷琳就保安對藍絲闖入港大撕毀連儂牆事件坐視不理予以譴責，事件上保安有失職之嫌，即使保安公司的指引規定不可與人有身體接觸，但就此事件上，言語的阻止亦不足夠，「依家入嚟要show I.D.或證件，噚日嗰班人入嚟直接畀佢哋入嚟，根本冇嘗試抄低佢哋身份，冇理由畀佢入嚟撕走學生的財產。 」
葉同學指今年7月11日，已曾有人闖入校園撕走連儂牆，但當時保安增援而至，行兇者已逃去，當時保安公司曾就事件致歉，並承認因剛剛更換保安公司，「缺乏應變措施」，但事隔數月，「保安唔可以再用應變能力不足推卸責任！」學生會要求校方跟進事件，「其實校方已經用咗好多錢請保安，如果保安係咁冇用，請咁多嚟做乜？」學生會正收集昨晚事件的不同片段，希望可認出有關「兇徒」，該會亦會進行相關的法律行動。
-----------------------------
你敢爆，我敢獎！ 立即WhatsApp 《蘋果》24小時爆相爆片熱線 或致電：63836568
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS / Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
2020-09-27 15:34:43Z
https://news.google.com/__i/rss/rd/articles/CBMiR2h0dHBzOi8vaGsuYXBwbGVkYWlseS5jb20vYnJlYWtpbmcvMjAyMDA5MjcvMjVDWFVCTU1MNUZUREQyVjJMQzIzUTdUVDQv0gEA?oc=5
52782467250343 香港
Bagikan Berita Ini
0 Response to "藍絲闖港大｜保安對大媽「寬容」 兇記者阻採訪校方迄今未報案 - 香港蘋果日報"
Post a Comment